دعوه للتامل واستثمار اللحظات

دعوه للتامل واستثمار اللحظات
دعوه للتأمل والتخيل
فيها ايه لو أن كل واحد مننا اعتبر أن صفحة الفيس الشخصيه بتاعتة دى من صحفه يوم القيامة بمعنى م البدايه للنهايه تكون معبره بالفعل عنه بدايه من الاسم مش مزوور يكون حقيقى الصوره ليست بالضروره وضع الصوره الا لو غاوى شهره
المحتوى والمضمون . المثاليات اه حلوه بس الاحلى اننا نخلى الحاجات اللى بنكتبها واقع بنعيشه مش هتقدر تعمل كده فارحم نفسك ومتشيلهاش فوق طاقتها وتمثل فيها دور الشيخ أو القديس ... وتذكر دائما وابدا أن الله يغضب ويمقت من لا يطابق قوله فعله .
حتى الناس اللى بتعمل الوحش برضه المفروض أنه ميوسعش فى الخيال اوى يعنى ويكثر م الفشر ويقول حاجات مش فيه أو فيها .
الصور والمنشورات بلاش ننشر حاجه الا إذا كنا متأكدين من صحتها وبلاش ننشر اساطير واشاعات حتى لو بدافع الفكاهة والتسلية
استثمر وقتك ع الفيس او الواتس بدايه من النيه انوى بيه اكتساب معلومه مثلا او معرفه خبر من اخبار الأمة الإسلامية والعربية ومصر مش عيب ولا حرام
لو عندك القدره والمهاره انك تشتغل ع الفيس او الانترنت ابدأ ولو معندكش متتعلم وبلاش كسل
لو عندك حاجه كويسه حتاخد عليها ثواب انشرها . لو شايف انها حاجه مش مفيده فمن العبث اننا نضيع اغلى ما نملك وهو الوقت هباء ودون اى نفع
اجعل حياتك متغيره مش لازم يعنى نبرة العويل والندب كل يوم حتى التكرار بيعلم ...... اه لكن بيبقى ممل وسيمج اوى
يوم شيرصور الطبيعه وجمالها وبلاش جمال الستات ومفاتنها 😁😉
يوم تانى شير عن العمل والعلم وشؤن الحياه
يوم تالت خليه نصائح وذكر ورابع تأمل وخامس دعوات لاموات المسلمين والمسلمات والمؤمنين عموما
والنهارده الخميس اذكر نفسي وإياكم بالاكثار من الصلاة على الحبيب صلى الله عليه وسلم
وربنا يرزقنا جميعا الاخلاص في السر والعلن ونسأل الله القبول
عندى مقترح لإدارة الفيس ليه متعملوش الحساب بالبيانات الحقيقة لكل شخص وباثبات الهويه المعتمد من قبل كل بلد
وفى النهاية لازم اقدم كل الشكر والتقدير والاحترام لصديقى المحترم جدا مارك زوكينبرج وذلك لإتاحة لنا الفرصة لقضاء الوقت مع أصحاب واقارب ومعارف قد نكون لم نلتقي بهم من قبل وعشان نكافىء هذا الرجل العظيم لازم كل واحد يخلى باله من كتاباته ومنشوراته وميحملش الراجل ذنوب مالوش هو ذنب فيها وربنا يهديه ويهدينا جميعا
اخوكم .
اسامه محمد محمود
مصرى الجنسية
مسلم الديانه
الوادى الجديد .الداخله

نشر :

إضافة تعليق جديد

 تم إضافة التعليق بنجاح   تحديث
خطأ: برجاء إعادة المحاولة